محمد البغدادي
الجنس : الـدولة : العمل/الترفيه : الهواية المفضلة : مزاجــي : الابراج : الأبراج الصينية : عدد المساهمات : 82 تاريخ الميلاد : 14/07/1992 تاريخ التسجيل : 25/02/2012 العمر : 31 نشاط العضو : رسائل وسائط MMS : الأوسمة :
| موضوع: بـــــــــــــــــــسك يا عـــــــــــــــــــــــــــــراق السبت فبراير 25, 2012 10:36 am | |
| بجينه او نزلت اعله اوراقنه ادموع
او كتبت بالحزن هاي القصيده
مابين الالم والعوز والجوع
الف هنياله كلمن يحفظ ايده
ابوجه شارعنه شفنه الموت مطبوع
وانياب الرصاص احفرت جيده
او صاروخ ابمجان الورد مزروع
اشكثر يكتل بشر هاي التفيده
ابصوانينه بعد ما ضلت اشموع
ولا فرحة طفل مصباح عيده
قتل تفجير جثه أو راس مكطوع
مامش غيرهه ابحلك الجريده
اللبلبل عاف عشه ابين الفروع
يخاف القاذفه تخطه او تصيده
عدنه امن القتل انواع مو نوع
وانت اختار يانوع التريده
نسينه احنه الخميس او علم مرفوع
او نسينه اطفالنه الحفضت نشيده
(عش هكذا في علو)صفت ممنوع
او غدت جلماتهه كلش بعيده
شنو ذنب الطفل مو بعده راضوع
بين احضان امه ايصب وريده
ابصدرنه المحترك ما ضلت اضلوع
حمت واثرت باطرافه الحديده
اثوابك من ثلج ياطائفي اتموع
او عدنه اثواب ما تعتك جديده :( | |
|