ابوذيات عراقية روعه

هامات
هاسل الكَلب بجفاك هامات
وياما كَبال سيفي انحنت هامات
اخبرك روحي نص الليل هامت
عليك سحل جابتني تريدك اليه

انتحر بيه
الك بايع دليلي وانتحر بيه
اموت اني بكلامك وانتحر بيه
اذا غيري يحبك انتحر بيه
لأن مخصوص حبك بس اليه

وداره

هواكم اثر بعقلي وداره
ومنو مثلي الك وفه وداره
سمعت قيس عاف اهله وداره
وانا عفت الناس كلها وحضنتك بأيديه

وصفنه
شما نوصف يا حلو الطول مايكفي وصفنه
والمثلك ينرادله كعده وصفنه
كون انت بمدرستنه وصفنه
ولو تاخذ صفر انطيك ميه
يا رب تعجبكم


مصايب عل الكلب لصبح والو
الهلبت ما نفعني بعد والو
احبابي بلا ذنب للغير ولو
طبعهم غدر ما بيهم حميه

........................................

حبك بالكلب ياصاح ضلضل
من تعبر علينه يصير ضلضل
تريد اتروح لا لتروح ضلضل
لانك لو رحت شيصير بيه

.................................................. .

يبن ادم جم مرض زارك وعليت
ولا يوم غسلت كلبك وعليت
يا طير شما طرت انتة وعليت
تطيح وحفرتك مترين هية



ابوجهي الهجر بيّن غربه لوني
وبخيانة جرح كلبك غر بلوني
انه الجنت اغربل غربلوني
طاح المنخل ولزمنه اديه


قفلت الروح يم عشكك قفل بيت
واباع اجروحه منحوته قفا البيت
مر اخيالك وكتله قف البيت
وكف وكفة جنود ابين ايه

شهدلي العدل يلمرسل ولوحاك
اخاوي الفاس كل عمري ولوحاك
انا الماثنه كلماته ولوحاك
الدهر كل الوجع مابين اديه


العقل سيد صدقتك ماتحل بي
اذا عطفك يكلبي ماته حل بي
يدنيا الليل طوّل ماتحلبي
عسى واشرب صبح بثنين اديه

ما غمك زمانك امده الغم
اشمالك يلفرح يمي مدلغم
تدري الصبر من قهره مد الغام
دستهن فجرن ضحكات بيه


خبر عاجل على الدنيا لطش لك
النظر يهواك اذ"ا حقه لطش لك
حروف احروف من كلبي لطش لك
على جيتك حرف ما يظل بيه


عانيت ابغيابه المخ تلف صار
وكل اللي حسبته المختلف صار
الاحبه ابعين عشكي المختلف صار
زرعت اسمه وسكيته ابكل خليه